Digos City namalit og mga himan alang sa kalamidad

DIGOS CITY - Gihangop sa buhatan sa City Agriculture Office ang nadawat nga mga bag-ong ekipo gikan sa lokal nga gobyerno alang sa pagpangandam sa taas nga hulaw, baha ug uban pang kalamidad.

Dako ang pasalamat ni Roger Masculino, city agriculturist, ngadto kang Mayor Joseph Peñas, human nga nadawat nila ang mga water pumps.

Matud ni Masculino nga dako kaayo'g ikatabang sa 26 ka mga barangay ang mga bag-ong water pumps kay magamit kini dili lang sa hulaw apan apil sab sa mga pagbaha.

Bisan si Marcelino Niemes, pamuno sa City Disaster Risk Reduction and Management Council (CDRRMC), nihangop sa mga bag-ong ekipo kay apil sab silang makagamit niini sa takna sa kalamidad.

Samtang gibutyag ni Mayor Peñas nga kinahanglang andam kanunay ang lokal nga gobyerno sa siyudad sa pag-responde sa tanang matang sa kalamidad.

Gipasabot sa mayor nga mas maayong mangandam sa bisan unsang matang sa kalamidad aron nga dili magkapuliki sa mga angayang buhaton pag-abot sa panahon.

"This is important as our preparation of any disaster such as droughts and floods. If that calamity occur, it will be helpful to affected barangays in Digos City," tin-aw ni Peñas.

Sa kasamtangan, nangandam na sab ang siyudad alang sa taliabot nga nationwide earthquake drill sanglit himuon kini hangtud sa kabarangayan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph