MOKABAT 16,953 ka mga abli nga trabaho ang gitanyag sa Department of Labor and Employment (DOLE-7) inubanan sa Department of Manpower Development and Placement (DMDP) sa siyudad sa Sugbo alang sa Kalayaan Job Fair karong adlawa Hunyo 12 kun Independence Day.

Ipahigayon ang maong jobs fair sa Cebu City Sports Center diin kadtong gusto nga mangita og trabaho mahimong maka-apply sa nagkadaiyang trabaho nga giandam sa 64 ka mga kompaniya.

Nasayran nga dunay 54 ka local ug 10 ka overseas jobs fair.

Dunay 5,054 ka local job vacancies ang narehistro ug 11,899 ka bakanteng trabaho alang sa gustong mang-apply gawas sa nasud.

Matod sa pangu sa DOLE - Technical Services and Support Division-Employment and Welfare (TSSS-WW) nga si Ma. Nancy Abad nga ang lokal nga mga posisyon nga in-demand naglangkob satechnicians, associate professionals, service workers, shop and market sales workers, clerk, laborers, crafts and trade workers, plant and machine operators, ug assemblers.Giila usab sa Dole ang nag-unang positions nga gikinahanglan sa overseas mao ang factory workers, hotel and restaurant serv­ice crew, laborers, carpenters, nurses, pipefitters, electricians, welders, steel fabricators, construction workers, scaffolders, plum­bers, drivers, engineer, mason helpers, steel fixers, programmers, riggers ug mill wright fitters.