Dear Heartline,

Maayong adlaw diha kanimo. Ako si Lyn-lyn, 25 years old taga Bangkal Davao City. Naa koy ex-bf, 6 months mi nagka-uyab. Adtong May 24 mag six months nami, pero mao pud toy time nga nagbulag mi. Naskapan nako siya nga naay laing uyab nga duha kabuok, kaila ra pud nako. Karon hasulan ko kay perme sila magtext nako, magpasuya ba, pati ang girl. Unsaon man nako ni para diko mahasol.

Lyn-lyn

*****

Hello Lyn,

Sayon ra kaayo, pag kambyo og sim girl, barato ra man na. Naa rana's sidewalk o sa mga malls nimo mapalit.

Usa pa inig makakambyo kanag sim, ayaw sab ipanabi nga nag change kag number? For what, aron magka-ideya sila nga ga-change kag number, then kuhaon na sab ni nila?

Gusto kag malinawon nga life, pwede man, paningkamot nga kini imong ma-achieve.

Daghan og ways to do that, ug usa kining magkambyo kag sim.

Kung di nimo buot magchange og sim, ipang-block ang ilang numbers. Naa may setting ang cellphones nga mo-block sila og numbers nga di nimo like.

If ever motext nimo, if you sense nga sila kadto, ayaw na'g basaha, diretso erase.

Ang purpose, aron di na magsakit imong dughan.

Ayaw ipakita kanila nga apektado ka. Instead, show them na you are happy and not affected.

Mga KSP lang na sila, patagad kumbaga. Wa siguroy laing mabuhat, mao ng magsinamok na lang sa life sa uban.