GIPAKAGING ni Marela Vania Salamat ang iyang mga kaatbang pinaagi sa pagdominar sa 3-km women’s individual time trial sa cycling sa 28th Southeast sian Games sa flat course sa Marina Bay Area sa Singapore.

Ang 21-anyos nga kanhi bowler kinsa mibalhin sa cycling, mitapos sa lumba sa oras nga 44 minutos ug 46.38 segundos aron dominahon ang kompetisyon.

Nag una siya og usa ka kilometro nga distansiya ni 2011 champion Chanpeng Nontasin sa Thailand nga may oras nga 45.96 segundos alang sa silver samtang ikatulo ang Singaporean nga si Chan Siew Kheng, ang 2-13 Myanmar Games winner kinsa maoy milangkat sa bronze.

“Nagbunga ang lahat ng pinaghirapan ko,” matod sa taga University of the East ug usa ka dentistry sophomore student.

“Kasama na rin ang pagtitiwala sa sarili at sa extensive training namin sa Pilipinas,” dugang ni Salamat, ang pinakamaguwang sa tulo ka anak nila ni Rodolfo ug Marivic Salamat.

Sa laing bahin, nahibalik ang paglaom sa gikahinam-hinaman nga gold medal sa Philippine women’s basketball alang sa Southeast Asian Games human nasungkit nila ang ikaduha nila nga kadaugan batok Malaysia, 74-63 diha sa OCBC Arena Hall 1 sa nasod sa Singapore.

Grabeng pagpaningkamot ang gibuhat ni Cindy Resultay inubanan ni Ewon Arayi alang malakip ang nasod sa Pilipinas ingon man ang Perlas Pilipinas sa labing una nga gold medal sa nasod.

Nakahatag og 20 puntos si Allana Lim sa maong team diin anaa kini 13 ka rebounds samtang si Arayi ug Resultay pareho nga nakahatag og 15-ka puntos.

Napildi ang Pilipinas sa opening day batok sa Thailand apan napildi sa Malaysia ang Thais niadtong Miyerkules diin mas nihayag ang pultahan sa Pinay’s alang sa gold medal.