Philippines mikulata sa Malaysia
MIDAOG ang Philippine women’s volleyball team sa labing una niini kadaugan sa panagsangka sa 28th Southeast Asian Games batok Malaysia sa score nga 25-15, 25-18, 25-16, kagahapon sa OCBC Arena Hall 2 sa Singapore.
Ang maong kadaugan nagtabla kini sa rekord sa maong mga Filipinas nga 1-1 diin gipildi usab sila sa nasod sa Thailand niadtong Miyerkules.
Nakamugna og 13 ka puntos nga score si Alyssa Valdez nga mao’y nanguna sa maong team diin gikatakda usab ang pag-atubang niila sa team sa Vietnam karong Sabado.
“First game nila eh, jitters ’yan tapos siyempre naiilang pa sa isang player ng Indonsia. At least, maganda laro nila,” matod ni coach Roger Gorayeb.
Kinahanglan nga makadaog ang Pilipinas batok sa Vietnam aron makasulod kini sa semifinals ingon man nga sure na nga makuha ang bronze medal.
Nakakuha usab og walo ka puntos si Dindin Santiago samtang si skipper Jovelyn Gonzaga ug Rachelle Anne Daquis nakahatag kini og tagsa-tagsa ka pito ka puntos alang sa Pilipinas.
“’Yung utak nila, siyempre iba ’yung laro dito, iba ’yung laro sa Maynila. Nakaranas na silang maglaro sa SEA Games,” dugang ni Gorayeb.