NIKULIT og kasaysayan ang GMA Network human sila nihakot og tulo ka gold medals sa New York festivals “World’s Best TV and Films” competition sa Las Vegas, niadtong Abril 25.
Ang gipasidunggan ang multi-awarded GMA Public Affairs programs Reporter’s Notebook, Front Row, ug Reel Time.
Ang GMA-7’s investigative program "Reporter’s Notebook" nidaog sa Community Portraits category alang sa “Pasan-Pasang Pangarap” episode, diin gipakita ni Maki Pulido ang duha ka managsuon nga manghakot og sako sa uling ug ang kita ilang tigumon aron duna silay bawon sa pag-eskwela.
Ang documentary program "Front Row" nidaug sa Human Concerns category sa “Bata sa Bintana”, nag-feature sa estorya sa 13-anyos nga batang masakiton nga si Zoren.
Ang GMA News TV’s Reel Time nidaug ubos sa National/International Affairs category sa “Maling Akala” documentary.
Ang Kapuso Network nakakuha usab og tulo ka finalist certificates sa New York Festivals: Kapuso Mo, Jessica Soho’s “Gintong Medalya” episode in the Community Portraits category; Entertainment TV’s Someone To Watch Over Me in the Telenovelas category; ug GMA News TV’s Investigative Documentaries in the Community Portraits for its PAAralan” episode. PR