UBAY, Bohol - Mokabat sa P20,000 ang nakuha sa tulisan sa kamot sa usa ka kolektor niadtong Hunyo 8 sa hapon didto sa may highway sa Barangay Tapon, Ubay, Bohol.

Giila ang biktioma nga si Melvin Bustero, 24, ulitawo ug kolektor sa usa ka tigpautang nga korporasyon nga gitawag ug ERL (Earn and Reach Lives) Credit Corporation.

Sa pasiunang pagpakisusi sa kapulisan, nagtumbok nga dihang padung na muoli ang biktima sakay sa iyang motorsilko gikan nangolekta sa mga bayad kalit lang nga adunay duha ka armadong tawo nga nagsakay og motor nga nibabag sa biktima ug nideklarar kinig tulis ngadto sa biktima. Gitionan og pistola ang biktima sa duha ka suspek inungdan nga wa na kini kasukol.

Nakuha sa mga suspek ang balor nga P20,000 nga kwarta sa koleksyon apil ang motorsiklo sa biktima.

Wa mailhi sa biktima ang mga suspek tungod kay nagsul-ob kinig tabon sa ilang mga nawong.