ORMOC CITY - Duha ka lalake nadakpan sa kapulisan sa Police Station 3 (PS3), alas 9:50 kagabii.
Ang duha giila nga si Eddie Boy Mendoza, 29, ulitawo, manindahay og isda, taga Barangay Tambulilid ug Jomar Cabahug, 21, electrician sa First Balfour ug taga Barangay Curva, ning dakbayan.
Nakuha sa kapulisan ang duha ka pakete nga may gituhoang shabu, usa ang dako ig usa ang gamay ug mga paraphernalia.
Base sa spot report, ang duha nagsakay sa usa ka motorsiklo gikan sa Tambulilid padung sa siyudad.
Gipahunong ang duha sa checkpoint sa Purok 1 Barangay Tambulilid kay way plaka ang gimaneho nga motorsiklo.
Nakit-an sa kapulisan nga may giitsa nga gamayng sudlanan sa sinsiyo ang suspek nga si Mendoza ug gipahayagan kini sa kapulisan.
Sa pagsusi sa kapulisan nakuha ang ebedinsiya.