KAPIN sa P.5 Bilyon ang budget alang sa kapin 350 ka mga classroom nga pagatukoron sa siyudad sa Sugbo alang usab sa kakuwang sa mga classroom sa gidaghanon sa tinun-an diri sa Sugbo.
Mao kini ang gibutyag sa Local School Board (LBS) chief nga si Raddy Diola diin gikatakda nga P350 milyones ang i-bid karong buwana.
Sa kinatibuk-an 352 ka mga tunghaan ang tukuron dinhi sa Sugbo diin gibahinbahin kini sa tulo ka mga batch ug sumatotal P577 milyones ang budget niini gikan sa Basic Education Facility Fund sa Department of Education ubos usab sa Special Education Fund.
Alang sa ikaduhang batch 120 ka mga classroom ang tukoron ug nagkantidad kini og P200 milyones samtang ang third batch 18 kini ka mga classroom ug nagbalor kini og P27 milyones.
Matod ni Diola nga dinhi lang sa Sugbo 750 ka mga classroom ang tukorunon diin 400 niini alang sa senior high school alang sa pagbukas na gyud sa K to 12 sunod tuig.
Dugang niini nga gihatagan ang motukod niini nga mao ang Department of Public Works and Highways (DPHW) og hangtod Marso aron mahuman kini nga mga classroom.
Prayoridad sa LSB mao ang pagsuta sa kalidad sa yuta nga pagatukoran sa maong mga classroom kun ang soil testing ug building permit.