NAKALUGNOT na gikan sa sunodsunod nga kapildihan ang Talk N Text Tropang Texters ug ilang gipahimungtan ang Blackwater Elite, 98-91, sa premirong duwa kagahapon sa Philippine Basketball Association (PBA) Go­vernor’s Cup sa SMART-Araneta Coliseum.

Kuyawng nakaduwa si Matt Ganue­las-Rosser ug nimugna kini’g 21 puntos aron putlon ang tulo ka sunod­sunod nga kapildihan sa Tropang Texters.

Ang Tropang Texters nanggunit na karon og 4-5 nga rekord samtang ang Elite naunlod og samot sa kinailawmang bahin dala ang 1-7 nga baraha.

Sa 1st half, nagsalimoang ang duwa sa Tropang Texters ug naggukod sila, 41-50, sa halftime.

Sa pagpangulo ni Rosser, nakagukod ang Tropang Texters sugod sa 3rd quarter ug mideretso na sila paingon sa kadaugan.

Sa tibuok 2nd half, gidominar sa Tropang Texters ang Elite sa pinuntosay, 57-41.

Puntos matag usa:

Talk ‘N Text (98) – Ganuelas-Rosser 21, Fonacier 20, Daghles 15, De Ocampo 14, Seigle 10, Pettigrew 7, Castro 7, Williams 4

Blackwater (91) – Heruela 21, Cousin 16, Faundo 14, Gamalinda 10, Cervantes 9, Celiz 7, Bulawan 5, Ballesteros 5, Acuna 3, Erram 1.