SI BRAZILIAN jiu-jitsu artist Jan Hao sa Davao City nakaharbat og platang medalya ug bronze bag-ohay lang sa Japanese National Jiu-Jitsu Championships sa Sumida sa Tokyo, Japan bag-ohay lang.
Si Hao, 30, miduwa alang sa Ribeiro Jiu-Jitsu International ug midaug sa iyang unang away batok Hapong kalaban pinaagi sa clock choke aron makaatbang sa finals si Korean Mingyon Kwon sa -76 kilogram.
Apan napakyas siya ni Kwon pinaagi sa arrow chokes submission sa finals.
Sa open category, gipildi ni Hao ang Amerikanong kontra sa eliminasyon apan napatumba siya ni Kwon pinagi sa "arrow choke" sa semifinals.
"Pumunta lang kami for vacation pero nung nalaman ko na na-extend ang deadline for registration, sumali na lang ako," ni Hao, sa pakighinabi kaniya sa Sun.Star Davao didto sa Dojo + Kitchen.
Samtang nagpreparar sa umaabot nga Dumao Tournament sa Hunyo sa siyudad Cebu, pahayag ni Hao nga mopadayon siya og pagbansay aron mas mahimong kompiyansa siya sa umaabot nga World Championships sunod tuig.
Ang purple-belt Hao nakabulawan sab sa -76kg category sa Korea Seoul International Championships ug ikaduha sa competition ug bronze sa open category. (ABM)