GIPAKAYAB ang nasudnong bandila kagahapon, Hunyo 12, sa mga dagkong opisyales sa siyudad sa Cagayan de Oro ug Probinsya sa Misamis Oriental atol sa ika 117 nga kasaulogan sa Independence Day sa nasod.
Sa siyudad sa Cagayan de Oro gipangulohan ni Mayor Oscar Moreno, Vice Mayor Ceasar Ian Acenas, Kongresista sa unang distrito ug ikaduhang distrito nga mao si Rolando Uy ug Rufos Rodriguez.
Ang pagpakayab sa bandila sa nasod gitambongan usab sa nagkalain laing opisyal ug mga empleyado sa City Hall ug nagkalain laing ahensya.
Gilusad usab sa siyudad ang Himugso - pagkatawo sa siyudad sa Cagayan de Oro ug ingon man sa nasod sa Pilipinas. Ang charter day sa siyudad karong adlawng Lunes, June 15.
Sa mensahe ni Congressman Rodriguez mihatag kini og ekplinasyon nga mapalabang ang Bangsamoro Basic Law aron mapatuman ang kahapsay ug kalinaw sa Mindanao.
Samtang kahapsay ug padayon nga kagawasan ingon man padayon nga pagserbisyo ang usa sa gitumbok ni Mayor Moreno atol sa iyang mensahe.
Ubay-ubay ang nakahan-ay nga mga kalihokan sa siyudad sama sa Tilipia Fingerling Dispersal diha sa Cdeo River; Cdeo Film Festival sa Ayala; Himugso Sale; Photo Exhibit ug uban pa.
Samtang sa kagamahanan sa probinsya gipangulohan kini ni Board Member Benidect Lagbas, human wala ang presenya ni Governor Yevgeny Emano ug Vice Governor Joey Pelaez.