LIMA ka samad ang naangkon sa usa ka lalaki nga giluba sa iyang gipaninglan og utang niadtong Huwebes sa hapon sa Barangay Lapasan ning siyudad sa Cagayan de Oro.
Gidala sa Northern Mindanao Medical Center (NMMC) si Roy Kionisala, 35, minyo ug lumulupyo sa San Juan 2, Lapasan ning siyudad.
Gitumbok nga suspetsado si Jobert Ulay, hingkod ang pangidaron ug lumolupyo sa susama nga dapit.
Subay sa report sa kapolisan diin nagpatala ang biktima nga unang nagkalalis ang duha human gisinglan ni Kionisala sa utang si Ulay.
Giingong nasuko si Ulay ug nagsukmagay pa ang duha apan nakurat na lang ang biktima dihang nagkadugo na ang iyang tiyan samtang ang suspek dali nga nipalayo sa dapit.
Ang suspetsado pabilin pa nga gawasnon, sa pagsulat niini nga balita.