PAGPAHIBALO ug pagprotekta sa katawhan, kini ang kinabuhi sa atong bida karong adlawa, kinsa di na bag-o sa mga tawo tungod sagad makita sa telebisyon, madunggan sa radyo ug mapatik sa mga pamantalaan.
Siya si Chief Inspector Andrea dela Cerna, "Andeng" sa iyang mga senior nga kabaro, 36, usa ka inahan sa nag-inusarang babaye niya nga anak, ug kasamtangan nga spokesperson sa Police Regional Office (PRO) sa Davao Region.
Iyang gisaysay nga una siya naabot sa regional office, nadestino una siya sa Regional Training School (RTS 11) sa Mintal, Davao City sud sa duha ka tuig.
Human niadto, iyang nahimamat ang iyang kapikas sa kinabuhi karon nga usa sab ka pulis, siya si Chief Inspector Jomar dela Cerna, kinsa Police Senior Inspector pa niadtong Disyembre 2010 ug giusa gayod ang ilang kasingkasing tuig 2011.
Sa misunod nga mga katuigan nahimo sab siyang deputy station commander sa Tugbok Police Station sa 2013 dayon nahimong tigpamaba opisyal sa PRO 11 niadtong Nobyembre 16, 2015 hangtud ning kasamtangan.
Nagsugod ang iyang pamulis tuig 2003 human siya misulod sa Philippine National Police Academy (PNPA), kinsa nakahuman og kursong AB Communication Arts sa De La Salle University - DasmariƱas.
Sumala niya ang iyang amahan ang nahimo niyang inspirasyon aron sudlon ang kalibutan sa pulisya kinsa usa ka retiradong pulis kini.
Segun niya, wa hinuon siya gipugos sa iyang amahan niini nga propesyon apan mipatigbabaw gayod sa iyang kasingkasing ang 'tawag' sa pagserbisyo sa nasud.
"Tinanong nya lang ako kung gusto ko mag-exam so sabi ko try ko. Parang idol ko rin tatay ko at tsaka siguro eto ang calling ko," sulti ni dela Cerna.
Isip usa ka babaye, di malikayan nga basin unya ang pipila nagduda kaniya kung kaya ba niya ang mga tahas nga isangon sa usa ka pulis, apan gipasabot niya nga bisan sa ilang cadetship nga mga adlaw sa PNPA gisulod niya ang tanang mga pagsulay nga walay gitan-aw nga butang kung babaye ka man o lalaki, patas kini didto.
"Hindi maiiwasan yung isipin na mas mahina tayo. One thing lang na nasa isip ko kung kaya ng lalaki, kaya rin natin. Maybe isa yun, kaya nag-try ako mag-excel sa practical shooting that is mostly dominated by men," ingon niya.
Sumala niya nga isip usa ka police officer, usa sa mga challenging part mao ang kung paunsa nimo pamatud-an sa kaugalingon nga maayo ga gayod sa diha nga posisyon.
Gani, niadtong naa pa siya sa Special Weapon and Tactics (SWAT), siya lamang ang nag-inusarang babaye sa grupo ug siya pa ang nahimong team leader.
"It was a challenge of my part in the sense that may tiwala sila sa akin, kasi they follow my command," dugang sa atong bida.
Gawas ning tanan, usa sab sa mga nakapahagit kaniya nga kinahanglan nahinon ang oras sa trabaho og sa pamilya, sa ngalan nga usa siya ka inahan sa 4-anyos nga si Andy.
Butyag niya nga usa sab sa mga rewarding part sa iyang trabaho mao ang pagtagad ug pag-ila sa katawhan sa ilang kakugi isip pulis diha sa ilang pagbantay sa palibot samtang ang katawhan nahinanok sa ilang pagkatulog.
"We respect their opinion, sabi nga we cannot please everybody but we stay proud knowing that we are serving the public... masaya tayo na mas lamang pa rin yung mga nagtitiwala sa kapulisan though we are not perfect," saysay niya.
Panapos niya, nga ang kapulisan karon naghimo gayod og mga maayong butang aron mabalik ang pagsalig ug kompiyansa sa publiko sa ilang organisasyon gikan sa dautan nga gihimo sa pipila nila ka kabaro.
Busa ang paghimo og pagkamatinud-anon sa ilang trabaho ang mipatigbabaw karong mga panahona ug sa umaabot pa.
(Ang maong istorya napatik sa Personalty Profile sa SunStar Davao, ug gipahaum sa pinulongang Cebuano ni Jeepy P. Compio)