NISAULOG sa ilang labing unang anibersaryo ang Central Democratic Guardians Brotherhood, Inc. - (Central DGBI) Bohol Island Chapter niadtong Abril 12, 2015.
Gitambongan kini sa mga opisyal ug miyembro sa lainlaing chapters sa mainland Cebu pinangulohan sa ilang labing labaw nga si Feliculo “GSMF Double Delta” Lecciones, Jr.
Gihangop ug gikalipay kaayo kini sa mga sakop sa hingtungdan nga chapter nga gidumala sa ilang Island Founder nga si Mr. Ildefonso “FRMG Ilde” Garcia.
Atol sa kasaulogan, nitambong usab ang retiradong hepe sa Trinidad, Bohol nga si Police Supt. Major Cesar Cañete diin gitahasan ni GSMF Double Delta nga mahimong Senior Adviser sa chapter. (PR)