BANHAWON sa Cebu United Pushcart Association (CUPA) ang ilang kanhi nasugdan nga proyekto aron paglimpyo sa Carbon Complex niadtong tuig 2012.

Si Master Jun Dacayana, presidente sa grupo sa kapin 500 ka mga sakop, niingon nga ilang ibalik ang senimanang pagpanglimpyo sa tibuok Carbon.

Ang programa, nagdala sa tema: “CUPA in action, Carbon atong hapsayon,” misuporta sa Office of the City Markets (OCM) sa pagdani og dugang kustomer sa Carbon ug pagpapas sa dili maayong imahen sa labing dakong merkado sa Visayas ug Mindanao.