TULO ka mga kawani sa usa ka hardware sa may Sacris Road Extension, Tipolo, dakbayan sa Mandaue, ang gisikop human nasakpan nga miunay og kawat sa mga tinda nga puthaw niini niadtong Huwebes.

Ang mga suspek nga mga kawani sa Worldwide Steel Group, Inc. mao sila si Lloyd P. Retor, 27, taga Pilar, Camotes; Jason G. Agravante, 27, minyo, lumad sa Borbon, Sugbo; ug Jonas T. Getalada, 30, taga Compostela, Sugbo.

Giingong si Retor usa ka drayber ug sila si Agravante ug Gelatada mga helper. Ang tulo gitanggong sa kapulisan ug gitakda nga kasohan.