KAPIN 600 bikers ang moapil sa "Duterte for President 2016 Bikers' Movement" karong adlawa, alas 6 buntag didto sa Rizal Park.

"Hindi pa kasali ang mga hindi taga Davao. We are very happy and ready to welcome everyone. It only shows how many are supporting Mayor Duterte," ni Davao City Sports Consumer Cooperative chairman Salvador "Jun" Paholio Jr., kinsa nangulo sa fun ride nga ekslusibo sa mga bikers.

Lakip sa mga grupo mao ang South Davao Mountain Riders (SDMR), Tender Loving Cyclists ug Davao City Water District Bikers Club.

Ang SDMR dunay mipresenta nga 40 bikers sa pagpangulo ni founder Ranz Peramida samtang DCWDBC dunay 17 riders.

Duna say mga babaye gikan sa nagkadaiyang grupo ang mosalmot sa kalihukan lakip na sila Angie Maestrado, environmentalist Monica Ayala sa Cycle for Life, Ging Lamentac ug Rona Leah Oribado sa SDMR, Lucila Lampara, Pauline Yrasuegui, Cherry Mae Pilapil, Cecilia Baculina, Sandy Shim Catalan, Brenda Purisima ug Raisa Ann Ouano sa DCWD.

Dugang ni Paholio nga ang ubang bikers puwede pa makaparehistro karon una ang alas 6 sa buntag isip suporta sa Mayor Duterte's federal form of government ug pag-awhag nga modagan Presidente.

Tanang klaseng bisikleta mamahimong moapil sa 28-kilometro fun ride sa event gipaluyohan sila Davao Livestrong Builders Corporation, Nature's Spring Water, Jaltan Magallanes, lokal nga kagamhanan sa Davao ug Philcycling. (PR)