GIAPIL sa Brooklyn Nets sa ilang umaabot nga National Basketball Association (NBA) Draft workout sa sunod semana ang UAAP standout nga si Bobby Ray Parks.

Ang anak ni Philippine Basketball Association (PBA) great Bobby Parks milarga paingon sa Amerika sa miaging buwan aron mag-training alang sa iyang pangandoy nga makaduwa sa NBA.

Si Parks naapil sa listahan sa Nets Draft workout nga gikatakdang sugdan karong Hunyo 17.

Ang agent ni Parks nga si Charlie Dy nagkanayon nga ang two-time UAAP Most Valuable Player molarga sa Indiana aron mag-training sa dili pa ang NBA Rookie Draft karong Hunyo 25.

Nanghinaot si Parks nga ma­kaduwa og NBA teams alang sa 2015 NBA Summerl League ka­rong Hulyo.

“Yung US agent na kausap ko, he will talk to different (NBA) teams. Meron din siyang chance to go back (and play) for LA. That’s one option,” matod ni Dy sa interbyu sa www.spin.ph.