GARBO, abilidad, kadasig ug kalampusan, kini ang naglimin sa kinabuhi sa atong bida karong adlawa diha sa iyang di matukib nga abilidad ug talento nga gigasa sa Diyos kaniya.

Ang atong bida karon mao ang 11-anyos nga Dabawenya junior golfer nga si Alessandra Zozobrado Nagayo kinsa nagpakita sa iyang abilidad sa natad sa duwang golf nga maoy morepresenta sa Philippines sa umaabot nga US Golf World Championship didto sa Pinehurst, North Carolina sa Hulyo 29 ngadto na Agosto 2.

Siya ang modala sa bandila sa Pilipinas human siya midaog sa 11-year-old division kinsa US Kids Golf World Championship International Qualifiers nga bag-ohay pa gipahigayon sa Orchard Golf and Country Club sa Cavite City.

"I felt happy and proud nung nanalo ako sa qualifying tournament. Ang ginawa ko lang was I stayed focus and wala akong inisip kung di ang game ko. Positive lang din ang mindset ko nun and nakatulong din siya sa akin," saysay sa atong bida.

Gi-angkon sa atong bida nga siya nagpadayon sa paghatag og dugang paghanas sa kaugalingon ubos sa pagtudlo kaniya sa iyang mga coaches nga sila Sonny Villaver ug Toch Altea.

Karon pa lang iya na nga gipaningkamutan ang pagpangandam sa mas labing taas nga world championships nga mao'y nakapahagit kaniya sa iyang linghod pa nga edad.

Aron mas maabot pa ang mas taas nga tinguha, unom ka adlaw sa usa ka semana siya nagabansay sa mga bakante nga oras didto sa Apo Gold and Country Club.

"I believe that my drives are already good but I need to work on my short game so that I will increase my chances of winning," ingon sa atong bida.

Gisaysay sab niya nga nag-edad pa siya og siyete anyos nakat-unan na niya ang maong duwa kinsa miapil dayon sa local junior teefests, nakat-on sa mga pamaagi ug disiplina sa duwa ug miapil sa inter-school tournaments sa nasud Australia.

Sa iyang linghod nga edad, anaa ang mga pangandoy ug paglaum kinsa nagtan-aw sa mga maayong butang diha sa kadaugan pinaagi sa iyang determinasyon ug pagsalig sa kaugalingon nga modaug sa maong natad sa paugnat sa kusog.

Anaa sab kaniya ang pagkamabination sa pagpadayon sa mga higayon aron mamahimong pinakamaayo sa kalibutan sa maong duwa.

Ang iyang pasyon sa maong duwa, maoy hinungdan sa makanunayong maghigugma ug pagsuporta sa iyang amahan nga usa ka registered nurse ug trainer nga si Danny Nagayo ug ang iyang inahan nga si Davao City Councilor Rachel Zozobrado-Nagayo.

Gani iya sab nga giingon nga gitudloan siya sa iyang mga ginikanan paunsa ang giingong pagtibuok sa diskarte kun (hollistic approach) aron madungagan ang iyang kadasig ug determinasyon sa maong duwa aron mahimo siyang maayong magduduwa sa golf.

"She is practicing almost every day from Monday to Saturday at Apo Golf and Country Club. She has been joining inter-school tournament in Australia but this will be her first major tournament," saysay sa iyang inahan Councilor Rachel Zozobrado-Nagayo.

"It doesn't hurt to practice almost every day but she also needs to compete not only in her division but in the open division so that she will have more exposure," sumpay sa iyang inahan.

Gumikan usa ka registered nurse ug trainer ang iyang amahan, duna siyay gisunod nga diet plan, diin iyang gibawalan ang kaugalingon sa pirmi nga pagkaon sa mga batan-on og junk food.

"Things like the diet will not be a hindrance for me to become the best," pagpaambit niya.

Nabatasan na sab niya nga momata sa alas 5:00 sa buntag uban sa iyang gamay nga igsuong lalaki nga si Daniel aron magbansay golf course didto sa Golf View Driving Range o di kaha mag-sparring session sa boxing.

"My parents are doing their best to support me and I am very thankful for them. That is why I also need to do my best to win the world championships," ingon niya.

Giagni niya ang kabatan-onan ipakita ang abilidad, magbansay ug mapaubsanon sa kapildihan diin himuong kadaugan ug oportunidad sa kaalaman ang matag kapakyasan.

Makawat man ang mga butang sa kalibutan apan ang talento nga gihatag sa Diyos, magpabilin kini sa atong kinabuhi latas sa mga katuigan.

Busa kanimo, Alessandra Zozobrado-Nagayo, saludo kami kanimo!