MITAAS ang kaso sa Human Immunodeficiency Virus (HIV) sa Davao City diin nagkabata ang edad sa mga natakbuyan sa maong balatian.

Kini ang gibutyag ni Department of Health (DOH) Davao Region regional director Abdullah B. Dumama Jr. base sa datus gikan sa DOH central office subay sa mga gipahigayong HIV testing karong ikaduhang kuwarter ning tuiga.

Mokabat sa 1,362 ang natakbuyan og HIV sa tibuok Davao region nga mitaas og 10 porsiyento gikan sa ginatibuk-an sa unang kuwarter.

Sa Davao City dunay 1,051 diin 1,004 niini ang mga lalaki kinsa anaa sa edad nga 15-anyos hangtod 28-anyos nga nakighilawas sa parehong lalaki.

Subay sa datus sa tibuok rehiyon dunay 1,288 ka mga lalaki diin 74 niini mga babaye.

Ang Davao City pinaagi sa City Health Office (CHO) dunay ginapahigayon nga libreng HIV testing sa buhatan sa

Reproductive Health & Wellness Center (RHWC) sa dalang Jacinto.

Giagni sa RHWC ang katawhan labi ang mga binabaye ug babaye nga aktibo sa pakighilawas nga magpa-test aron mahatagan og pagpalig-on sa resistensiya sa lawas masayran magpositibo sa maong sakit.

Gipasalig sa RHWC nga kompidensiyal ang resulta sa tanang nagpa-test kanila.

Ang HIV ug sa ka lentivirus (lahi nga grupo sa retrovirus) nga maoy hinungdan sa impeksyon ngadto sa acquired immunodeficiency syndrome (AIDS). (Jeepy P. Compio)