Septic tank services naglabay og hugaw sa kanal, giukoy

NANGANTI ang Davao City Drainage Maintenance Unit (DMU) nga mohimo sila og legal nga aksyon sa grupo nga moyabo og hugaw gikan sa septic tank sa mga kanal sa dakbayan.

“Matingala mi aning sa Obrero, bag-o lang nalimpiyohan, mapuno dayon og lapok bisan walay ulan,” sulti ni DMU head Rhodelio Poliquit.

Nagbutang na sab og mga tawo ang DMU nga maniid sa dapit labi na panahon sa gabii.

“Nagpakuha na ko'g sample, migawas nga hugaw diay sa tawo ug posible hinimoan ni sa mga septic tank services,” sumpay ni Poliquit.

Giseguro sa DMU nga walay nagbara nga mga kanal labi na karong mga bulanan padung sa Hulyo nga maoy sagad ting-ulan.

Mga nabara sa kanal ug ang nakalot nga lapok iyabo sa DMU didto sa usa ka dapit sa Toril District, ning siyudad. (JPC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph