GIBUTYAG ni Cagayan de Oro City Mayor Oscar Moreno nga mapasalamaton siya kaayo ni kanhi Bise Presidente Emmanuel “Maning’ Pelaez.

Kini tungod kay nahimugso ang Dakbayan sa Cagayan de Oro tungod sa bunga sa pagpaninangkamot ug inspirasyon ni Pelaez nga mopalabang ug usa ka balaodnon nga mahimong Dakbayan ang Cagayan de Oro.

Gibutyag ni Moreno nga gi-author ni Pelaez ang usa ka balaodnon nga imbes Cagayan mahimo kining Dakbayan sa Cagayan de Oro niadtong June 15, 1950.

Karong adlawa ang ika-68th founding anniversary kon Charter day sa dakbayan.

Gideklara nga ang June 15 usa ka special non-working holiday o public holiday sa siyudad sa Cagayan de Oro City diin mao usab ang charter day.

Niining anibersaryo sa pagkahimugso sa Dakbayan sa Cagayan de Oro daghan nga kalihokan ang giandam sa kagamahanang local sa dakbayan ug kini gilangkuban sa mga programa sama sa: Free Museum Tours; Free Medical and Dental sa alas 12:00 sa udto sa Plaza Divisoria; Himugso-Trabaho Patrol sa Limketkai Atrium; Opening of TB Pavillion; Himugso Civic Military Parade; City Hall Band and Manong Band Concert; Pahinungod Tribute; ug Sinuglaw Festival sa Limketkai Center.(SVB)