DEAR Papa Joe,
Ako si Imon, lumad nga taga Cebu, 30 na kapin akong edad ug duna nay stable job. Para siguro sa uban nga magbabasa, di kaayo tantong bug-at ang akong problema. Mahitungod kini sa sex. Yes mao kana.
Pero wala kini magkwestyon sa akong performance o gipangita. Ingon ani man gud, naa koy nahimong girlfriend nga 20 kapin na sad ang pangidaron. Di na siya berhin kay nakuha na siya sa dihang medyo bata bata pa siya.
Matod niya nga wa gyud siya makabatig kanindot niadtong panahuna kon di kasakit.
Nahitabo lang kadto kuno ka usa kay nagkalagyo man sila dayon human makuha sa lalake ang iyang pagkababaye.
Sa tinuod, lang nisalig ko niya kay tataw kaayo ang iyang pagka-sincere nako. Kay nikabat pag lima ka tuig una siya naka uyab ug ako ang ikaduhang lalake. Napamatud-an sad nako sa iyang parents unsay background ning bayhana maong wa ko magduha-duha niya paghatag sa akong gugma. Karon, Papa Joe, mao kini ang akong problema. Sukad iyang gitugyan nako ang iyang pagkababeye, magsige na siyag hangyo nako. Hinuon di kada adlaw pero maingon ta kon magdikit mi, moingon siyag, let’s tour the world.
Way kwestyon nako pero ang nakadaot kay kalas og kwarta. Unsaon di man ko kabalibad. Please lamdagi akong hunahuna.
IMON
Imon.
Maayong adlaw nimo, lahi sad imong problema no? Well, una pasabta lang ang imong uyab sa tinuod sitwasyon. If ang kwestyun kay ang kwarta, ingna siya bahin ini. Siguro na spoiled nimo siya anang butanga.
Sabta lang sad siya kay karon pa siya siguro nakatagamtam sa himaya sa gugma. Bitaw basin dili na normal ang iyang gibati. But based on your story, dili man sad kada adlaw. Maybe she is just expressive sa iyang love nimo nga sa kadugayan mokayo.
Ayaw kabalaka. Naay kinutuban ang tanan. Mapul-an ra nag kadugayan. Ang problema diha kon di na siya ganahan ug ikaw na ang manghangyo di ba? Pag-talk mo para masabtan ninyo ang estado ninyong duha. Makasabot ra na ang imong GF kay para nako nabag-ohan rana siya sa inyong tim-os nga pagka inlove.
I-express ninyo sa paglambinglambing lang. Ask her kon di madala, puli-puli mog bayad. Pero kon di siya kapugong sa iyang gibati, kana kuyaw na na basin nana siya’y sintomas sa pagka manyakis.. Diri na lang kutob. Salamat
PAPA JOE