MIKULIT si Jarrid Famous og usa ka performance nga lisod kalimtan sa dihang iyang giaswat ang GlobalPort Batang Pier ngadto sa 102-94 nga kadaugan batok sa Kia Carnival kagahapon aron pagpaduol sa Top Four sport sa PBA Governor’s Cup sa Smart-Araneta Coliseum.

Ang 6-foot-11 nga import mirehistro og 30 puntos ug 37 ka rebounds, gawas sa tulo ka blocks sulod sa 45 minutos alang sa ilang ikaduhang sunodsunod nga kadaugan nga maoy nag-instalar kanila sa ikaunom nga puwesto sa 10 ka duwa.

Ang natala ni Famous nga 37 ka rebounds maoy pinakadaghan sulod sa usa ka duwa sukad niadtong 1985 diin ang import sa Ginebra nga si Michael Hacket nakahimo og 55 ka rebounds niadtong 1985.

Gani hapit niya malupig ang kinatibuk-ang Kia squad kinsa nakalangkat og 40 ka rebounds nga layo ra sa 68 nga nahimo sa Batang Pier sa maong duwa.

Nakahatag og igong suporta ni Famous mao ang locals nga sila si Terrence Romeo ug Stanley Pringle.

Mga puntos:

GlobalPort (102) – Famous 30, Romeo 27, Pringle 10, Buenafe 9, Kramer 9, Krayem 7, Semerad 5, Mamaril 3, Miranda 2, Hayes 0, Isip 0, Jensen 0

KIA (94) – N’Diaye 29, Dehesa 20, Webb 15, Chang 11, Bagtasing 8, Revilla 6, Buensuceso 3, Deutchman 1, Nuyles 1, Thiele 0, Ighalo 0, Alvarez 0, Avenido 0

Quarterscores: 27-29, 50-47, 76-71, 102-94.