KON negusyo ang hisgutan, anga­yan lang hatagan ni American Floyd Mayweather Jr. si Filipino Manny Pacquiao og dili lang rematch, kon dili usa gyud ka trilogy, matod ni Top Rank boss Bob Arum.

Gumikan sa resulta sa premirong a­way nga napuno sa pagsaway nga ma­kalaay, giangkon ni Arum nga dili na ka­ayo mohalin og dako ang ikaduhang away.

Apan masaligon siya nga ang magsunod nga mga away niini mokita na sab og dako.

‘’The money was so huge last time and I’m realistic to know it won’t be as big this

time,’’ matod ni Arum sa interbyu sa RING TV.

‘’But it’d be three or four times as big to another fight these guys can do. ‘If he was smart, I would think he’d look to do a rematch, and then one more.’’

Hinuon giangkon ni Arum nga nisamot ka adunahan si Mayweather human sa away niini kang Pacquiao ug posibleng dili na kini mahaylo og laing dagkong ganti gikan sa dakong away.

Si Mayweather mikita og kapin sa $200 million sa iyang unanimous decision nga kadaugan batok kang Pacquiao.

‘’Floyd is capable of doing anything, he’s got all the money he could ever use, even with his spending habits, it’s hard to see him going through all that mo­ney,’’ matod ni Arum.

Nagtuo si Arum nga sa edad nga 38, puwede nang dili moretiro si Mayweather ug dili na motiwas sa kontrata niini Showtime.

‘’His body is breaking down, so maybe he leaves at 49-0,’’ matod ni Arum, kinsa nagtumbok sa rekord ni Mayweather.

Si Mayweather aduna pa’y usa ka away nga nahabilin sa iyang kontrata sa Showtime ug

gikatakda kini karong Septiyembre.