MAG-UUMA wa katiwas sa pag-inom sa piso-pisong tubig gipusil sa wala mailhing tawo kagahapon sa alas 12:10 sa kaadlawon sa Barangay Inayagan, dakbayan sa Naga.
Si Bernabe Paran, 53, minyo, mag-uuma ug taga Barangay Cantao-an, Naga, nakaangko’g daghang samad pinusilan sa iyang kalawasan nga naa sa ospital.
Si PO3 Menandro Boligor, imbestigador sa Naga Police Station, nagkanayon nga ang biktima padulong na mopauli.
Apan mihapit kinig inom og tubig dihang kalit nga mobutho ang duha ka wa mailhing tawo gipauwanan siyag nga mga bala dayon paspas nga misibat.
Si PO3 Boligor, nagkanayon nga posibling nasuyaan lang ang biktima.
Ang biktima naabot sa dapit, kay namaligya kini sa iyang negosyo nga ubod sa lubi, uling, ug sugnod nga langkay sa lubi.