GIANGKON ni Hall of Famer trainer Freddie Roach nga nahutdan siya og ikatambag kang Manny Pacquiao atol sa pagpakig-away niini batok kang Floyd Mayweather Jr. niadtong Mayo 2 sa Las Vegas, USA.

Nahitabo kini dihang nasinati pag­balik ni Pacquiao ang angol sa iyang tuo nga abaga atol mismo sa away.

Gipasabot ni Roach nga gisultihan siya ni Pacquiao nga grabe ka sakit ang gipamati niini ug niadtong higayuna, asoy ni Roach nga wala na siya nakahunahuna kon unsa’y angayang buhaton.

“When he came back to the corner, he said he was in a lot of pain,” matod ni Roach sa interbyu sa Los Angeles Times.

“So at that point, there wasn’t a lot I could say other than to just go out there and do your best.”

Matod ni Roach nga gusto unta siyang mauswag ang away human nakasinati og angol si Pacquiao atol sa training.

Mismong si Pacquiao ug ang u­bang sakop sa team ang ningsug­yot kaniya nga idayon lang ang away.

Human sa unanimous decision nga kapildihan ni Pacquiao, gibutyag niini nga nibalik ang iyang angol atol sa away.