ANG pagpaniguro nga makaangkon sa twice-to-beat nga bintahan maoy anaa sa alimpatakan sa co-leader San Miguel Beer sa dihang ilang ikasangbang ang naghingutas nga Blackwater Elite karong gabii sa 40th Philippine Basketball Association (PBA) Governor’s Cup elimination round sa Araneta Coliseum.
Ang Beermen, nga nakatakin na og luna sa playoff nga may 7-2 nga baraha, ang gituohan nga modominar batok sa Elites sa ilang duwa nga sugdan sa alas 4:15 sa hapon. Moduwa ang Elite nga wala ang ilang import nga si Marcus Douthit tungod kay atoa pa kini sa Philippine national team sa nagpadayon nga 28th Southeast Asian Games in Singapore.
Sa laing duwa, ang manikaysikay ang defending champion Purefoods Star Hotshots batok sa Talk ‘N Text sa alas siete sa gabii.