DUNGAN nga gipahiluna sa International Boxing Hall of Fame sila si Riddick Bowe ug Ray “Boom-Boom” Mancini sa Amerika kagahapon.

“I got my ring. I’m so happy,” matod ni Bowe, kinsa milupig kang undisputed champion E­­­vander Holyfield aron pag-angkon og world heavyweight title niadtong 1992.

“I’m finally in, and guess what, I don’t know what to say.”

Si Bowe midaog sa nag-una niyang 31 ka mga away diin duha lang ka mga kontra ang wala na-knockout.

Miretiro si Bowe niadtong 1996 dala ang 43-1, 33KOs nga rekord.

“I want to thank Muhammad Ali because if it wasn’t for him I wouldn’t be here,” dugang ni Bowe. “I dared to dream.”

Sa iyang bahin, si Mancini nagpaslaamat sa iyang mga ginikanan gumikan kay mao kini ang nagdasig kaniya.

“My mother and father, they made me believe I could be anything I wanted to be — the only restrictions you have are the ones you put on yourself,” pasabot ni Mancini.

“I accept this award today on behalf of my father and my mother.”

Gawas nila ni Mancino ug Bowe, nasulod sab sa Hall of Fame sila si featherweight champion “Prince” Naseem Hamed sa England, light flyweight champion Yoko Gushiken sa Japan, manager Rafael Mendoza sa Mexico, referee Steve Smoger sa Norfolk, Virginia, journalist Nigel Collins sa England, ug broadcaster Jim Lampley sa Asheville, North Carolina. (AFP)