Super Suroy: Mag-enjoy ta sa Lava Mountain River Farm!

KON gusto kag exclusive nga kamo ra sa inyong grupo ang makaabang og resort, mao na kini inyong gipangita.

Bes! Wa kaabot og usa ka oras ang biyahe ug anaa ra usab kini sa dakbayan sa Sugbo.

Ang “Lava Mountain River Farm” sa Sitio Biasong, Barangay Bonbon, dakbayan sa Sugbo anaa lang sa 45-minutos ngadto usa ka oras biyahion gikan sa JY Square sa Barangay Lahug.

Ang manager sa resort nga si Bang Gumalo nagkanayon nga way bulkan sa dapit apan gipanganlan kini nila og Lava tungod kay gipanag-iya kini sa kasamtangang pamilya sa iyang inahan nga ang last name, Lava.

Adunay gilay-on nga 18.5 kilometros ang mountain farm gikan sa siyudad diin kon makaabot ka sa Barangay Hall sa Bonbon, makita nimo ang signage paingon didto.

Di lisod ang pagtultol sa dapit apan pahimangno daan, di u­­­sab sementado o aspalto ang ta­­­nang dan nga imong maagian.

Tambag ni Gumalo nga kon magdala og kaugalingon nga sak­­yanan mamahimo ang SUV, pick-up, vans o jeep apan wa gi-advise ang lowered cars o Sedan.

Apan kon gusto ka nga moabang og sakyanan anaa usab silay SUV nga paabangan, P2,000/6 ka tawo ang maximum o jeepney nga masud ang 20-22 ka tawo sa P3,500 ang roundtrip.

Adunay gilapdon ang farm nga upat ka ektarya.

Duha lang ka grupo ang pwede matag-adlaw, kining overnight stay ug ang day-use.

Anaa sa 15 ka tawo ang maximum matag Sabado samtang moabot sa 30 ang sa ubang adlaw.

Apan kon moabot sa 20 ka tawo ang moabang alang sa overnight stay, exclusive na kini ug wa nay tugotan nga day use.

Dugang ni Gumalo nga gusto nila nga masinati sa grupo ang exclusivity sa lugar ingon man ma-enjoy niini ang ka-relax sa lugar.

Wa kini nagpasabot nga kon lima ra mo di namo pwede moabang sa dapit, mamahimo gihapon kini.

Unsay naa sa dapit? Gawas sa aduna kini usa ka pool, abangan usab sa overnight stay group ang main house, bali hut, stonehouse room, ‘eagles nest’ viewing deck ug ang poolside lounge area.

Sugod alas 12:00 sa udto ang check-in time kutob alas 10:00 sa buntag sunod adlaw, diin mao kini ang check-out time.

Kon mag-day use usab ka, mamahimo ka nga makapahimulos sa day use use, day use lounger area, pool, access sa sapa, ug open areas.

Sakto, adunay sapa sa resort diin sumpay kini sa Mananga River ug mamahimo usab nga mag-trekking sa sapa.

Limpyo ang sapa ug mao kini ang gamit nga tubig sa ilang pool nga flowing.

Libre ang paggamit sa sugbahanan sa dapit apan adunay bayad kon mogamit sa ilang kusina, ilabi na kon magpaluto.

Gawas sa free breakfast alang sa mga mag-overnight, libre u­­­sab ang tubig ug ice sa resort.

Way cor­kage mapa-pagkaon man o ilim­non, mamahimo usab nga mag­­dala og rice cooker ug lutuonon.

Kon ganahan ka nga exclusive sa barkada, kauban sa trabaho o sa pamilya ang tibuok resort, ayaw na pauwahi, reservation basis ra sila ug di pwede ang walk-in.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph