ANG 16th APM Dalawahan Team Chess Tournament tigian sa Hunyo 11 sa Damosa Market Basket sa Lanang, Davao City.
Kini ang gipahibawo ni arbiter Ely Acas, usa sa founders sa kompetisyon sa iyang Facebook post, nga nakabutang kini usa ka Swiss System Format chess fest nga dulaon sa duha ka magduduwa nga dunay average rating sa 2050.
Kinahanglan ang mga moapil dunay 1799 below ug unrated players hatagan og 1800 rating.
"Higher rated player must play on board one," ni Acas.
Ang tim nga tie-breaks kinahanglan mo-obserba sa total match points, direct encounter, Buchholz ug Sonneborn Berger.
Samtang ang indibiduwal tie-breaks mahimong direct encounter, Buchholz, Sonneborn Berger ug Team Ranking.
Magsugod ang rehistrasyon alas 10 sa buntag sa maong adlaw sa kantidad nga P500 matag tim.
Ang kampeyon mouli og P5,000 gikan sa Jubrealle88 Fashion Bags samtang ang sunod nga tulo ka puwesto makadawat og P3,000, P2,000 ug P1,500.
Duna say espesyal awards sa mahimong top board 1 ug top board 2 players.
Alang sa dugang impormasyon ikontak si Acas sa numerong (0942) 494-86-72 o (0926) 898-1483. (Marizz S. Robilla)