AYAW kabalaka kon ikaw madakpan sa traffic enforcer gumikan sa kalapasan sa Republic Act 10666 kun Children’s Safety on Motorcycles Act of 2015 kay P5 ra ang imong penalty, kana kon nia ka sa Cebu City.
Kini ang gipadayag ni Mayor Tomas Osmeña human niepekto ang maong balaod niadtong Mayo 19 diin ang mga bata o tinun-an nga di makapatong sa foot rest sa motorsiklo di angay pasakyan.
“ I would like to tell the public if there is anyone there who is apprehended by our traffic enforcer because you are taking your child to school, just come to me, I will reduce you penalty to P5,” padayag sa mayor.
Ang mayor niingon nga di siya ganahan sa maong balaod sanglit maapektuhan ang libuan ka mga bata hilabi na ang sa kabukiran sanglit ang habalhabal maoy sentro sa ilang transportasyon.
Apan si Osmeña niingon nga tungod kay kini balaod, angay kining sundon ug ipatuman dinhi sa siyudad.
“I’m still in compliance with the law, adjudicate nato, P5 na lang. Don’t worry,” dugang sa mayor.
Base sa RA 10666, ang uanang kalapasan makamulta og P3,000 ang driver; P5,000 sa ikaduhang higayon ug P10,000 sa 3rd offense ug usa ka buwan nga suspension sa lisensya.
Gihulagway niya nga di ang pagpanakop sa mga motorsiklo sa Cebu City ang iyang prayoridad, inay ang pagpahapsay sa trapiko.
“I’m compelled to just prioritize (traffic) and told our traffic enforcers, do not arrest two-wheeled vehicles, that’s not our problem, that’s not our immediate priority, unless it is causing traffic,” pasabot sa mayor.
Si Osmeña nidayeg sa mga habalhabal driver sanglit bisan sa gamay nga paagi, sila nanginabuhi.
Iyang gibutyag nga dako og natabang ang gatusan ka mga drayber sa habalhabal kay dako og gikatabang sa mga kawani kinsa nagdali paingon sa ilang trabahuan hilabi na sa mga call center agent.