WA pa gani linog nahugno na ang kisame sa Cinema 5 sa  Ayala Mall niadtong Lunes sa gabii. Ang aksidente nakaangol og mga tawo nga mitan-aw og salida sa sine. Ang Ayala naila sa maayong kalidad sa pagtrabaho. Tungod niini, makadaot sa maayong imahen ang aksidente. Gikinahanglang ipasabot sa kadagkoan sa Ayala nga way tagoan kun unsa kaluwas ang ilang building, dungan sa pagpatid sa ilang building administrator.

Padayon, Engr.Canoy

Para nako, usa ka maayong ehemplo aron makatabang sa kakuwang sa supply sa tubig ang way kaluya  ni Engr. Antonio Canoy isip presidente sa Langub Kalunasan Multi Purpose Cooperative (LKMPC).

Naglaom si Canoy nga matuman ang saad  ni  Gobernador Hiario Davide III nga mahatag ang luna nga dunay gidak-on nga 30 square meters  aron magamit sa laing drilling sa tubig.

Buot ni Canoy  taliwa sa epekto sa El Niño, dugang supply sa tubig ang ilang matabang. Gani, matod ni Canoy, anaa na sa level 3 ang ilang nahimo.

Kini maoy tinuoray nga pagpakabana sa LKMPC sa liderato ni Eng. Antonio Canoy! 

Binay disperado?

Nakapangutana ko niini sa dihang namahayag si Bise Presidente Jejomar Binay sa paglaom nga makakuha og suporta gikan ni  Presidente Noynoy Aquino alang sa iyang pagdagan sa pagka presidente karong Mayo 2016 nga eleksyon.

Kun stratihiya man sa pulitika ang gihimo ni Binay, makapaluya kini sa iyang dumadapig. Si Aquino dunay kaugali­ngong partido ug kandidato.

Anaa sila si  Department of Interior ang Local Government ( DILG) Mar Roxas, Senador Grace Poe ug uban pang mga pangan nga maoy posebling kandidato sa Liberal Party ni  Pnoy.

Trabaho ni Tomas

Mga nagkadaiyang isyu sa kaso ang gipasaka ni kanhi  Cebu City Mayor Tomas Osmeña batok ni Cebu City Mayor Mike Rama ug sa iyang mga tawo.

Ning bag-o ang gikiha ni Tomas Mao si  Raquel Arche ang head sa PROBE tungod sa pagdemolis sa squatters sa F. Ramos Extension.

Okay lang ang paglaban ni Osmeña sa naigo sa demolis tungod sa iyang pamulitika. Apan di maayo iyang pagbutangbutang sa kasong extortion and robbery.

Mora naman hinoon ug pulis si Toma’s nga mangwartahay sa mga dakpunon. Kon way ebidensya plantiran. Di maayo ang gihimo ni Toma’s Kay ang mga tag iya sa balay maoy migguba ug di ang PROBE.

(efren_lonzon@yahoo.com. Text: 09164214888)