Pinas misaka ang standing sa 28th SEA Games

NATAPOS ang kampanya sa Team Philippines sa 28th Southeast Asian Games (SEAG) nga gihimo sa Singapore.

Nakatigom ang Pilipinas og 29 golds, 36 silvers, ug 66 bronze medals sa duha ka semanang tigi sa SEA Games.

Nakuha ang ika-29 nga bulawang medalya sa nasud human midaug ang Gilas Pilipinas cadets sa finals kontra Indonesia.

Sukad pa niadtong 1991 gihuptan na sa Pinas ang trono sa basketball sa SEA Games.

Kini na ang ika-17 titulo sa 18 finals appearances sa Pilipinas sa basketball.

Ang Pilipinas anaa sa ikaunom nga pwesto sa medal standings diin giila nga over all champion ang Thailand (87 golds) human malabwi ang Singapore (83 golds).

Anaa sa ikatulong puwesto ang Vietnam nga may 73 golds, ikaupat ang Malaysia nga may 60 golds, sunod ang Indonesia nga may 45 ka bulawan, ikapito ang Myanmar sa ilang 12 gold medals ug ang Cambodia nga may usa ka bulawan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph