NABALHOG sa silda sa San Pedro Police Station ang usa ka lalaki human giingong nagpatan-aw og law-ay nga video sa cellphone sa Osmeña Park ug naghimas usab sa kinatawo alas 9:00 sa gabii niadtong Lunes.

Ang gipriso si alyas Danica (bansagon gitago), nagpuyo sa Barangay 39-D, Trading Boulevard.

Sa impormasyon nga nakalap sa Sun.Star Superbalita nasayran nga midangop sa buhatan sa kapulisan ang usa ka alyas Raffy (bansagon gitago), gumikan gikulata siya sa mga istambay dihang nidagan kini gikan sa ngitngit nga bahin sa Claro M. Recto.

Misunod nga miabot sa presinto si Danica aron iyang isumbong nga gikawat ang iyang cellphone sa kauban ni Raffy nga si alyas Jeffrey (bansagon gitago), human niya gipatan-aw og law-ay nga salida sa ngiob nga bahin.

Apan una nahitabo ang kasamok, gikan sila sa Osmeña Park, ug alegasyong iyang gisabot si Jeffrey nga i-blow-job kinsa nahimong look-out si Raffy.

Dihang midagan si Jeffrey dala ang cellphone, mingdagan sab si Raffy kinsa mao'y nagunitan ug nakulatahan sa mga istambay sa dapit.

Gikuha sa pulis ang ilang testimonya, apan nahukman sa pulis nga prisuhon ang nasampit nga bayot gumikan sa iyang gihimo sa duha ka menor de edad.

Kagahapon sa buntag gihimo sa Women and Children's Protection Desk ang affidavit aron pasakaan og kaso ang nasampit nga bayot sa korte.