NAGPASALAMAT og dako ang inahan ni Golden State Warriors superstar Stephen Curry sa mga Fil-Am nga nagsuporta sa iyang anak sa National Basketball Association (NBA).

Sa balwarte sa Warriors sa Oracle Arena sa Oakland, California linibong mga Fil-Am ang magpunsisok sa matag duwa sa Warriors ug saksi niini si Sonya Curry, kinsa kanunay sab naa sa sideline aron moabiba sa iyang anak sa matag duwa sa Warriors.

“Thank you so much. It means a whole lot to us, it means a whole lot to him,” matod ni Sonya ngadto sa Fil-Am fans sa interbyu sa ABS-CBN Oakland,

Gipasabot ni Sonya nga nagplano ang ilang pamilya nga mobisita sa Pilipinas sa ugma damlag.

Gani niini pa lang ka sayo, aduna na siya’y nakat-unang mga pulong nga Tagalog.

“Maraming salamat,” matod ni Sonya.