DUMAGUETE CITY - Patay ang usa ka lalake human gipusil sa duha ka wa mailang mga suspek niadtong miaging adlaw diin didto mahitabo sa dakbayan sa Bais.

Ang biktima giila nga si Jack Acabal, mulopyo sa naasoyng lugar.

Si Alcabal bag-o lang naabot ug misud sa usa ka imnanan duol sa taytayan.

Human makainom og usa ka baso sa ilimnong makahubog migawas kini ug balik paingon sa iyang sakyanan kalit lang kining giduol sa usa ka lalake nga armado ug mipusil sa biktima sa makalima ka higayon.

Ang biktima diha maigo sa ulo ug ubang parte sa kalawasan nga maoy hinungdan sa kamatayon niini.

Sumala sa mga saksi nga si Alcabal gisundan na kini daan sa mga suspek ug dihang nakakuhag higayon ang duha ka mga armado ang mipusil kini ngadto sa biktima. May kalambigitan sa drugas ang gitumbok nga motibo sa pagpamusil.