MITINGOG na ang ba­baye nga gipasanginlan sa iyang bana nga dunay relasyon tali sa hepe sa Carcar Police Station nga si Supt. Teodulfo Manatad III.

Sa iyang Facebook account, si Jenn (tinuod ngan gipugngan ning mantalaan), nibarog nga di tinuod ang pasangil sa iyang bana nga si Zandro (di usab tinuod nga ngan).

“Oh yes, I have to admit it, I am the girl they have been referring to having an illicit affair with the Carcar Pnp’s Chief of Police. It’s not something to be proud of....But because I have already been involved in this untrue issue, I have to stand firm and tell everyone that, IT IS NOT TRUE!”

Sa giingong kompron­tasyon sa magtiayon pinaagi sa tawag sa cellphone nga gi-record nga gi-post sa babaye sa iyang Facebook account, si Zandro niangkon nga gipasobraan ra niya ang pasangil batok sa iyang asawa ug kang Manatad aron molig-on ang kasong administratiba nga iyang gipasaka sa Office of the Ombudsman ug National Police Commission.

“Ako na lang gipasobraan kay para malig-on lig-on pud ang kaso,” pag­pasabot sa bana ngadto kang Jenn.