WALA nanimaho ang manduwaay sa Cagayan de Oro sa bago nahuman nga Araw ng Iligan Mayor Ruderic Marzo Open Chess Tournament.

Wala nakatungtong sa top money circle sila si National Master Rustum Tolentino, Johnnel Balquin ug Nazario Ubanan human sa ilang kadaiyang kaparotan.

Si Tolentino ni-withdraw human mitala lang og tulo ka puntos diin natablahan siya ni Iliganon nga si Jovy Edades sa unsa nga round ug Romeo Madrid sa ikalima nga round, samtang napilde siya ni Cosain Magarang sa ikaupat nga round.

“Ni-withdraw si Tolentino. Nangpilde sila,” ingon ni National Arbiter Lorenzo “Jun” Cuizon, nga chief arbiter sa maong torneyo.

Si Balquin naangkon og tulo ka pilde kang Cebuano Rommel Ganzon, Jezreel Lopez ug Jones Maghuyop.

Mao sab nahitabo kang Ubanan diin miangkon sab og susamang kapildehan kang Balquin.

Si Ganzon maoy nikampyeon sa maong torneyo ug niuli sa Php 15,000 nga cash prize human nitala og 6.5 puntos sa 7-round Swiss System nga torneyo.

Si Iliganon Begnt Largo nisunod sa ikaduha nga pwesto human niya naparot iyang kababayan nga si Fide Master Victor Bruce Lluch sa kataposan nga round aron motala og 5.5 puntos.

Si Lopez, Lluch, Maghuyop, Magarang, Madrid ug Jamalan Morohomsalic nagbugkos sa ikatulo nga pwesto nga adunay lima ka puntos matag usa.(JAF)