DUNGAN sa kasaulogan sa pagkahimugso sa Dakbayan sa Cagayan de Oro niadtong Lunes mao sab ang Annual Report ni Cagayan de Oro City Mayor Oscar Moreno.
Sa iyang pamahayag iyang gibutyag nga gikatakda siyang moduso og P4.8 bilyones nga budget alang sa tuig 2016.
Gipasabot ni Moreno nga iya kining target diin iyang panglantaw niini mao ang pokos nga makaserbisyo sa katawhan sa siyudad.
Matod niini nga pinaagi niining kantidad mas iyang mapatuman ang mga programa ug proyekto alang sa dakbayan.
Dugang niini gikatakda kining mosumiter sa naasoyng budget sunod tuig.
Samtang sa iyang bahin ni Konsehal President Elipe kinsa chairman commitee sa Finance ug Ways and Means niingon nga dili siya moingon nga dili kini maaprobahan sa sunod tuig apan bout niya kining busisihon og maayo ug kinahanglan usab nga ma justify sa mayor kung unsa ang tumong sa maong budget panahon nga kini maduso.(SVB)