USA ka 16-anyos nga Dabawenya ang latest addition sa artists nga gihuptan karon sa Viva Entertainment Inc.
Just last week, mipirma og kontrata sa Viva si Jayrah Kaye Adeva, Grade 10 sa Ateneo de Davao, human nga siya ang napilian sa audition nga gihimo dinhi sa siyudad recently.
"Actually po, we had no idea about the audition up until the day of the audition itself. Thanks to my mom's friend who just happened to pass by the area of the audition. So ayun po agad po kami tinawagan ni tita na pumunta na nga raw po doon kasi may number na daw po ako. Then ayun po nagmamadali na lang po kami na pumunta sa venue not knowing ano ba talaga yung audition," share ni Jayrah sa Facebook chat interview kaniya.
Ang Viva nangita og dugang talents mao nga gihimo nila last June 13, ning tuig diha sa BluGre Cafe, Landco Building, ang audition.
Present sa audition ang mga Viva Entertainment executives from Manila nga maoy mosala sa mga mopakita'g talento.
Ang audition bukas ngadto sa mga makamaong mokanta, sayaw, moarte, host o dunay talento ug may 'K' nga mahimong star.
Dugang sa Atenista nga gipadungog niya ang iyang rendition uban ang pagtugtog og gitara sa kantang Lay Me Down ni Sam Smith.
"Aside sa pagkanta, they ask me something about myself. So ayun po I told them that my forte talaga is composing and that I have composed more than a hundred songs already by the age of 11."
Luyo sa pag-compose og kanta, nakahiligan sab ni Jayrah ang pagtugtog sa piano ug gitara, lakip na pag-arte.
"After I sang, they were very impressed po and told me I had a very good voice. Then they asked me to sing one of my original songs then I sang ulit po then after that, they told me about the contract and all. Pumirma po kami nung the day po ng audition."
Tsika ni Jayrah nga ang Viva ang moatiman sa pagpaila-ila kaniya nga mailhan sa publiko ang iyang talento.
Si Jayrah beterano na sa biritan, diin sa nakalabay nga tuig, siya ang pinaka-bata nga misalmot sa World Championships of Performing Arts (WCOPA) nga gihimo sa Hollywood California, last July 11 to 19.
Si Jayrah unang miapil sa Talent Edge Access to Hollywood nga nahimo niyang pasaporte sa pag-apil sa WCOPA.
Ang bagets, mipildi sa ubang nationalities nga misalmot sa gikonsiderang "Olympics of the Performing Arts" tuig 2014, gibitbit ang silver medal sa juniors vocal county, with her winning piece nga Cowboy Cassanova ug bronze medal sa juniors vocal broadway sa iyang piece nga The Girl in 14g.
Luyo niini, nakuha sab ni Jayrah ang industry awards for juniors category, nga suma pa usa ka pag-ilang ginatunol sa indibidwal nga may "international high market ability."
Diyes anyos pa lamang gikakitaan na og interes sa musika si Jayrah.
Bag-uhay lamang sab apil ang bagets sa performers sa gihimong Impact Concert nga nagtumong sa pakigbisog kontra Human trafficking.