KIDAPAWAN CITY -- Gipailawom sa social profiling ang siyam ka pamilya nga bakwit gikan Marawi City nga temporaryo karong nanimuyo sa Kabacan sa North Cotabato.
Kini mismo ang gikompirma ni Kabacan Mayor Herlo Guzman Jr.
Nasayran nga miabot sa Kabacan ang mga bakwit nga bisan gamay nga kabtangan walay nabitbit gikan sa ilang paghikling gikan sa Marawi City.
Nagpaabot dayon og hinabang ang Kabacan-local government unit ug Regional Office sa Department of Social Welfare and Development (DSWD)-Soccsksargen susama sa bugas ug mga delata nga pagkaon.
Sa gipahigayon nga social profiling sa kapulisan, militar ug DSWD sa mga bakwit, nasuta nga walay nasagol nga mga terorista.
Gitakda sab nga magpaabot og dugang tabang sa mga bakwit si North Cotabato Governor Emmylou Mendoza.
Tungod sa katikiran, gipalig-on sab sa militar ug kapulisan ang seguridad sa probinsiya sa posibleng pagsulod sa mga terorista nga Maute. (Edgar E. Fuerzas)