NBA Finals MVP di ganahan sa iyang angga.

Sukad pa kaniadto, gipabuhagay nang daan ni Golden State Warriors forward Andre Iguodala nga dili siya ganahan sa iyang anggan nga “Iggy.”

Sa usa ka interbyu, gipabuhagay ni Iguodala nga gitawag na siya og “Iggy” sukad sa iyang pagkabata ug nadala kini sa iyang pagdaog ug hangtod na nga nakaduwa na siya sa National Basketball Association (NBA).

Usa ka video sa internet, gipangutana si Iguodala sa usa ka reporter kon tinuod ba’ng dili siya ganahang tawgon nga Iggy.

“Yeah, I never liked that. Since I was a kid I’ve been called that. My teammates can call me that...They kind of know me, they can get away with it. But other than that, I’m not a big fan.”

Alang sa usa ka magduduwa nga sama niya og kalibre, daw gaan ra ang angga nga Iggy kumpara sa “The King” ni LeBron James ug “The Black Mamba” ni Kobe Bryant.

Si Iguodala maoy napiling Finals MVP sa bag-uhay lang nahuman nga 2015 NBA Finals series diin gilupig sa Warriors ang Cleveland Cavaliers.