KOMPIRMADO nang mobalik sa Dubai ang Pinoy Pride series karong Agusto 7 sa Dubai Convention Center.

Mao kini ang gibutyag ni ALA Promotions president Michael Aldeguer kagahapon.

Nagkanayon si Aldeguer nga sa ilang plano, mobida ning maong promosyon ang magsuong sila si Albert ug Jason Pagara lakip na si AJ Banal.

Sa pagkakaron, nangita pa og kontra ang ALA Promotions alang sa mga nangahisgutan.

Gitataw ni Aldeguer nga aduna na sila’y mga nasigpatan apan dili nila ikabutyag gumikan kay wala pa kini na-finalize.

Gipasabot ni Aldeguer nga sa inisyal nilang plano, ipahigayon unta kining maong promosyon niadtong Hunyo 12 dungan sa pagsaulog sa Philippine Independence Day.

Apan naahat sila pag-uswag sa promosyon gumikan kay kuwan sila og oras sa preparasyon ug mihangyo sab niini ang ilang mga katambayayong sa Dubai.

Ang Pinoy Pride unang napahigayon sa Dubai niadtong Septiyembre sa miaging tuig.