Sto. Nino mikampyon sa Tabuelan

GIAGAK ni ex-PBA Reed Jun­tilla ang Sto Nino Team ngadto sa 106-94 nga ka­­daugan batok sa San Remigio Properties a­­­ron sakmiton ang titulo sa 2017 Tabuelan Fiesta O­­­pen Basketball Tournament niadtong Martes sa Tabuelan Astrodome.

Gipangulohan ni Juntilla ang kadaugan sa all-star team ni Tabuelan SB Member Denden Bravo pinaagi sa pagpusa og 23 puntos samtang miabag ang import niini nga si Sanjo Landrey og 18 puntos ug si Ex PBA Jojo Tangkay sa iyang 14 puntos.

Ang Sto Nino nakabulsa og P150K nga ganti.

Ang San Remigio naglabaw sa halftime, 51-49, apan sa 3rd quarter, ang Sto. Nino ningpabuto og 15-0 nga rally pinaagi sa sunodsunod nga three-point shots nila ni Tangkay, Abad ug Alfred Belande aron kontrolahon ang duwa.

Pagkahuman sa 3rd quarter, ang Sto. Nino naglabaw na og 85-63.

Gikan niadto wala na molingi pagbalik ang Ninos og nahubsan sa paglaom ang mga batos ni coach Mark Ynoc.

Ang San Remigio gipangulohan ni Ronan Isidro pinaagi sa iyang 21 puntos, nihatag og 16 puntos si Alwyn Aguire samtang nitampo og 13 puntos si France Arong.

Ang San Remigio nakadawat og P100,000 nga ganti isip 2nd placer.

Sa inilugay sa ikatulong dapit, gipangpukan sa Eagle Express ni Jojie Espina ang Tokhangers ni Tabuelan Chief Ins. Rico Emperwa, 119-83.

Ang Eagle Express nakadawat og P75,000 nga ganti isip 3rd placer.

Ang maong torneyo, nga tipik sa kasaulogan sa piyesta sa lungsod sa Tabuelan karong Hunyo 24, nahimong posible sa paningkamot ni Mayor Rex Gerona. Nagdumala sa torneyo mao si Arlie Perez. PR

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph