ANG Davao regional office sa Bureau of Fisheries and Aquatic Resources (BFAR) mipasidungog niadtong Biyernes, Hunyo 23, sa 578 ka mga registradong mananagat pinaagi sa cash incentives nga nagkantidad og P1,000 ngadto P2,000 ilawom sa Bantay-Laot Program.
Kini nahimo sa Davao Region isip pilot area aron ipatuman ang programa ilawom sa supervision ni BFAR National Director Eduardo Gongona.
Ang fisherfolk recipients gikan sa 23 barangays sa Davao City.
“This is the first time that we are giving away cash incentives to Bantay-Laot members. I hope that the money that you will receive will be used wisely,” suma ni Department of Agriculture-Davao Technical Director Angelina Pancho atol sa turnover ceremony sa BFAR-Davao Office, Davao City, nga nagkutlo sa pahayag ni Agriculture secretary Emmanuel Piñol.
Ang Bantay Laot Program usa ka inisyatiba sa DA-BFAR aron mapugngan ang illegal fishing nga aktibidad ug panalipdan ang marine and aquatic species sa municipal waters pinaagi sa pagpakusog sa pag-ayuda sa mga mananagat, partikular ang Indigenous Peoples isip mga sea guardians o sea watchers atol sa closed season sa nationally-declared Fishery Management Areas.
Si BFAR-Davao Region Director Fatma Idris nagsulti nga ang programa mihaum sa F/B Pagbabago, coastal resource management ug law enforcement aron sumpuon ang ilegal, unreported and unregulated fishing.
Nakaangkla sa sections 24 ug 158 sa Republic Act 10654 o giamendahan nga Philippine Fisheries Code, ang program naghatag og suporta sa Local Government Units Fisheries and Aquatic Resources Management Councils ug municipal fisherfolk nga naglakip sa assistance sa pagbansay sa Bantay-Dagat Task Force.
Niadtong Agosto 2016, si Piñol mihimo sa promisa atol turnover sa 300 ka fiberglass boats ngadto sa 600 ka mga registered fisherfolk sa Philippine Fisheries and Development Authority-Davao Region sa Toril nga kini nga mga registered fisherfolks makadawat sa cash incentive alang sa ilang mga aktibidad.
Ang guidelines sa maong programa namateryalisa na.
Nagkadaiyang aktibidad sama sa oryentasyon, monitoring, kontrol ug pagpaniid, environmental briefing, ug disaster preparedness trainings ang gilatid aron mahatagan og kapasidad ug suporta kanila sa ilang kalambigitan sa programa.
Laing lugar naglakip sa East Sulu Sea, Basilan Strait, Sibuguey Bay, Palawan, Visayan Sea, Cagayan River ug ilang tributaries sa Cagayan Valley gitakda nga mosunod sa implementasyon sa Bantay Laot Program.
Ang BFAR-Davao Region padayon nga nagmintinar sa maayong implementasyon sa nagkadaiyang aktibidad nga magpreserba sa kadagatan sa rehiyon.