USA ka 10-anyos nga batang lalaki ang napatay human naigo sa bala sa pusil human ang mga gidudahang sakop sa New People's Army (NPA) nanghasi sa balay sa giingon nilang impormante sa gobyerno sa Barangay PM Sobrecarey, Caraga, Davao Oriental.
Si 10th Infantry Division spokesperson Rhyan Batchar nagsulti nga base sa report nga ilang nadawat, alas 12:30 sa kaadlawon Dominggo, Hunyo 25, mikabat sa 12 ka mga armadong NPA ilawom sa Pulang Bagani Command 8, Southern Mindanao Regional Command nanghasi sa balay ni Emmanuel Matilac, gisuspetsahan nga impormante sa militar.
Base sa report, ang balay ni Matilac gisunog ug ang 10-anyos nga batang lalaki, Justin Adao, anak ni Leo Adao, kinsa usab gisuspetsahan nga impormante, namatay human ang bata naigo sa bala iyang ulo.
Mga rebelde daling miikyas sa lugar human sa pagpangatake.
Si Batchar nagkanayon nga ang 67th infantry Battalion nakigkoordinar sa Municipal Police Station sa Caraga alang sa imbestigasyon ug pagpasaka og kaso ngadto sa korte batok sa mga rebelde.