SA pelikulang "Transformer" unang nisikat ang mga robot ug killer cars nga Optimus Prime ug Bumblebee.
Apan sa bag-o nilang franchise nga "Transformers: The Last Knight" dili na siya sama ka nindot kon itandi sa mga naunang Transformer.
Duha ka oras ug 40 minutos nga sige lang og rinakrakay ug binombahay ug estorya nila nga nag-ambak-ambak. Hah, wa gyud ko malingaw.
Mao tingaling gitawag ni og final chapter kay panamilit na ning ilaha sa transformer nga nahimong simbolo niadto sa atong kabataan.
Blooper
Usa ko sa nakasaksi sa blooper sa GMA senior news correspondent nga si Marisol Abdurahman nga nanghana og sukmag atol sa iyang live report.
Nahitabo ni sa noontime news program sa GMA News TV nga Balitanghali.
Wala kabantay si Marisol nga nag-on na diay ang camera ug mao gyuy nakita ang iyang aksyon nga paghana. Ambot kinsay iyang gihan-an.
Hinuon, basta live, dili gyud kalikayan ang mga blooper. Pero sukad ato wa nako kakita niya nga gipakita siya sa iyang mga live report kundi ang iya na lang voice over.
Aileen
Karong bag-o nag-post si 1996 Bb. Pilipinas-Universe Aileen Leng Damiles sa mga litrato nga maorag niladlad na sa ilang relasyon ni Danding Cojuangco uban sa duha nila ka mga anak nga babaye.
Ang ilang mga anak dalaga na. Sa ato pa, katong giinterbyu nako si Aileen Leng niadtong 1997 sa Gaisano posibleng sila na ni Danding?
Mao diay kadtong giinterbyu nako ang pag-umangkon ni Aileen nga si Anjo Damiles niadtong 2015, bale anak sa igsuon ni Aileen, matod ni Anjo nga wala kuno siya kahibawo kinsay bana sa iyang auntie pero naa kuno ni duha ka mga anak.
Ang ex-PBB housemate nga si Nina Jose nagpakasal sad sa edaran na nga mayor sa Pangasinan. Mao nay giingon age doesn’t matter if you are.… rich in love! Haha...
Workshop
Kumpirmadong mobakasyon sa Pilipinas ang Nashville-based nga si Jimmy Borja ug duna siyay himuong songwriting workshop sa Cebu karong July 30. Si Jimmy ang kompositor sa Bukas Na Lang kita Mamahalin ug Sana Ngayong Pasko.
Ugma, ayaw sipyata ang atong Q and A ni Jimmy and let’s take a trip down memory lane sa iyang mga awit sa Sssssuper Ka!