DUHA ka hugna sa operasyon ang gipahigayon sa kapulisan sa Opol Police Station ug El Salvador City Police Station.
Unang operasyon gipangulohan ni Police Superintendent Jerry Tambis, hepe sa El Savador Police Station sa Poblacion, dakbayan sa El Salvador.
Dakpan ang usa ka Anthony Peralta, 51, minyo, residente sa susamang dapit.
Nakuha sa posisyon niini ang tulo ka pakete sa gituohang shabu lakip ang mga ilegal drug paraphernalia.
Nasayran nga taodtaod na nga gisubaybayan ang suspetsado ug positibo kining napalitan.
Laing operasyon gikasa sa Opol Police Station nga miresulta sa pagkasikop ni Jamel Bagonte taga Luyong Bonbon, lungsod sa Opol, Misamis Oriental.
Si Bagonte nakuhaan gihapon og tulo tanan ka pakete sa gitouhang shabu diin usa ka sachet maoy napalit gikan niini nga napalit sa kantidad nga P500.
Giingong notado sab kining tigpayuhot sa ginadili nga druga sa dapit.
Tanang mga nakuhang illegal drug paraphernalia gidala na karon panahona sa PNP-Northern Mindanao Crime Laboratory.
Kasong supak sa RA 9165 kon Dangerous Drugs Act ang gikatakdang atubangon sa mga dinakpan. (SVB)